Le të jetë kjo hera e fundit. (Bu Son Olsun) (përkthyer)

Bu Son Olsun është një film turk komedi-dramë i vitit 2012, skenarin e të cilit Orçun Benli e shkroi bashkë me Şükrü Üçpınar dhe që e drejtoi si filmin e tij të parë me metrazh të gjatë. Prodhimi, që doli në kinema në Turqi më 6 janar 2012, i qaset me një vështrim humoristik grushtit të shtetit të 12 shtatorit 1980.

Filmi tregon historinë e pesë miqve të pastrehë me emrat Yaşar, Apo, Kovboy Ali, Cevat dhe Ertuğrul, qëllimi i vetëm i të cilëve është të ngopin barkun dhe të mos ndahen nga vera. Pas ndalimit të qarkullimit të shpallur në mëngjesin e grushtit të shtetit, të pesët përfundojnë për shkak të një vargu keqkuptimesh në të njëjtin burg me të burgosurit politikë dhe përfitojnë nga përplasja për pushtet mes drejtorit të burgut Hızır dhe kapitenit Kenan. Me kalimin e kohës Yaşarit i dhemb ndërgjegjja dhe bën plan për të shpëtuar të burgosurit që njeh e për të bashkuar Sinanin me Lalen, që i ndajnë muret. Në rolet kryesore janë Engin Altan Düzyatan, Hazal Kaya dhe Deniz Uğur.