Togë e Bardhë (Beyaz Müfreze) (përkthyer)

Lo squadrone bianco (me titullin turk Beyaz Müfreze) është një dramë lufte italiane e vitit 1936. Filmin e drejtoi Augusto Genina; skenarin, Genina së bashku me Gino Rocca-n, e përshtatën nga romani me të njëjtin titull i shkrimtarit francez Joseph Peyré. Historia trajton një toger të ri kalorësie, të pafat në dashuri, i cili shërben në një postë ushtarake në shkretëtirë, nën pushtimin italian, në tokat e Libisë së sotme, dhe provon veten në luftën kundër kryengritësve atje.

I xhiruar gjatë periudhës së Luftës së Dytë Italo-Etiopiane, filmi fitoi Kupën Mussolini për filmin më të mirë italian në Festivalin e Filmit të Venecias të vitit 1936 dhe më pas u shfaq gjerësisht jashtë vendit. Produksioni konsiderohet si një nga filmat propagandistikë më të rëndësishëm të periudhës fashiste.