Ağ Dəstə (Beyaz Müfreze) (tərcümə)

Lo squadrone bianco (türk dilindəki adı ilə Beyaz Müfreze), 1936-cı il istehsalı italyan müharibə dramasıdır. Filmi Augusto Genina çəkmiş; ssenarisini Genina ilə Gino Rocca, fransız yazıçı Joseph Peyrénin eyniadlı romanından uyğunlaşdırmışlar. Hekayə, məhəbbətdə uğursuz gənc bir süvari leytenantının bugünkü Liviya torpaqlarında, italyan işğalı altındakı səhra qarnizonunda xidmət etməsini və oradakı üsyançılara qarşı aparılan mübarizədə özünü sübut etməsini mövzu alır.

İkinci İtaliya-Efiopiya Müharibəsi dövründə çəkilən film, 1936-cı ildə Venesiya Film Festivalında ən yaxşı italyan filmi kateqoriyasında Mussolini Kubokunu qazandı və sonra xarici ölkələrdə geniş şəkildə nümayiş olundu. Bu istehsal, faşist dövrün ən mühüm təbliğat filmlərindən biri hesab edilir.