Zara

Zara — Tərcümeyi-hal

Əsl adı Neşe Zara Yılmaz olan Zara 15 yanvar 1976-cı ildə İstanbulun Üsküdar rayonunda anadan olub. Kürd əsillidir. 1991-ci ildə liseylər arası Musiqi və Xalq Oyunları yarışmasında Türkiyə birincisi olmuş, İstanbul Texniki Universitetinin Türk Musiqisi Dövlət Konservatoriyasının Səs Təhsili bölməsini bitirmişdir.

1996-cı ildə TRT-nin keçirdiyi imtahanı qazanaraq TRT Türk Xalq Musiqisinin müqaviləli səs sənətçisi olmuş; 1998-ci ildə ilk albomu Avuntu-nu çıxararaq İlin Ümidverən Qadın Sənətçisi mükafatını almışdır. Dörd il ardıcıl Ən Yaxşı Türk Xalq Musiqisi Qadın Sənətçisi nominasiyasında Altın Kəpənək mükafatını qazanmış, 2007-ci ildə Zr Müzik şirkətini qurmuşdur.

Aktyorluq da edən Zara Eylül Fırtınası (1999), Deli Yürek: Bumerang Cehennemi (2001), Gelin, İpsiz Recep və Eşkıya Dünyaya Hükümdar Olmazda (Gönül rolunda) rol almış, 2021-ci ildə Mavera serialında oynamışdır. Konsert fəaliyyətini davam etdirən sənətçinin Dila adında bir qızı var.