Əkiz Zirvələr (Twin Peaks) (tərcümə)

Mark Frost və David Lynchin yaratdığı kult serialın üçüncü mövsümü olan Twin Peaks: The Return, 1990–91-ci illərdə yayımlanan orijinal seriyanın və 1992-ci il istehsalı Twin Peaks: Fire Walk with Me filminin ardınca seriyanı dörddə bir əsrdən uzun fasilənin sonunda televiziyaya geri gətirdi. Lynch və Frostun ssenarisini birlikdə qələmə aldığı, bütün seriyalarını Lynchin rejissorluq etdiyi 18 seriyalıq məhdud serial ABŞ-da 2017-ci il mayın 21-dən sentyabrın 3-dək Showtime kanalında nümayiş etdirildi.

Hadisələr ilk seriyanın baş verdiyi dövrdən iyirmi beş il sonra başlayır. Povestin mərkəzində lisey şagirdi Laura Palmerin 1989-cu ildəki qətlini araşdırmış FBI xüsusi agenti Dale Cooperin (Kyle MacLachlan) Twin Peaksə qayıtma səyi yer alır. Hekayə Vaşinqton ştatındakı qurgu qəsəbənin hüdudlarından kənara çıxaraq Nyu-York, Las-Vegas, Cənubi Dakota, Nyu-Meksiko və Texasa uzanan paralel hekayələr toxuyur. Kyle MacLachlan, Sheryl Lee və Mädchen Amick kimi köhnə heyət üzvləri rollarına qayıdarkən Laura Dern, Naomi Watts, Jim Belushi və Robert Forster kimi adlar da layihəyə qatıldı. Qeyri-adi povesti və vizual yanaşması ilə böyük bəyənmə qazanan mövsüm çoxsaylı nəşr tərəfindən 2017-ci ilin ən yaxşı televiziya layihəsi seçildi; Cahiers du Cinéma isə onu onilliyin ən yaxşı filmi elan etdi.