Osmanlı Respublikası (Osmanlı Cumhuriyeti) (tərcümə)

Osmanlı Cumhuriyeti, Gani Müjdenin rejissorluq edib ssenarisini yazdığı, 21 noyabr 2008-ci ildə ekranlara çıxan türk komediya və alternativ tarix filmidir. Baş rolunda Ata Demirerin yer aldığı istehsal, "Mustafa Kemal Atatürk heç var olmasaydı, nə olardı?" sualı üzərində qurulmuşdur; kiçik Mustafanın 1888-ci ildə həyatını itirməsi ilə Qurtuluş müharibəsi heç yaşanmır və Osmanlı dövləti Amerika mandatını qəbul edərək 2008-ci ilə qədər varlığını davam etdirir.

Demirerin canlandırdığı padşah VII Osman, gənc bir qıza aşiq olduqdan sonra ətrafındakıların əlində bir kukla olduğunu anlayır. Film, Topqapı sarayı, Yıldız sarayı və Aya İrini də daxil olmaqla 23 fərqli məkanda beş yarım həftəyə çəkilmiş, təxminən 1500 nəfər iştirak etmişdir. Heyətdə Vildan Atasever, Sümer Tilmaç, Ali Düşenkalkar və özünü oynayan Sezen Aksu var. Avşar Filmin prodüserliyini öz üzərinə götürdüyü film, 2008-ci ilin ən çox gişə edən dördüncü türk filmi olmuşdur.