Öğretmenler Odası

Müəllimlər Otağı (orijinal adı: Das Lehrerzimmer) — İlker Çatakın rejissorluğu və Yohannes Dunker ilə birgə ssenari müəllifliyi ilə 2023-cü ildə çəkilmiş Alman dram filmi. Filmin musiqisi Marvin Millerə, prodüseri isə İnqo Fliessdir.

Leoni Beneş bir sıra soyğunçuluqların arxasında duran günahkarı tapmaq vəzifəsi daşıyan müəllim rolunu oynayır. Rollarda həmçinin Maykl Klammer, Rafael Staxoviak, Anne-Kathrin Gummich və Eva Löbau da yer alır.

Dünya premyerası 18 fevral 2023-cü ildə 73-cü Berlin Beynəlxalq Film Festivalında baş tutan film Panorama Tamaşaçı Mükafatına namizəd göstərilib. Tənqidçilərdən müsbət rəylər alan film, Milli Rəy Şurası tərəfindən 2023-cü ilin ən yaxşı beş beynəlxalq filmindən biri seçilib və 96-cı Oskar Mükafatlarında Ən Yaxşı Beynəlxalq Film nominasiyasını qazanıb. Film həmçinin Toronto və Busan beynəlxalq film festivallarının rəsmi seçimlərinə daxil edilib.