Joan Lui (Joan Lui - Ma un giorno nel paese arrivo io di lunedì)

Joan Lui (orijinal adı ilə Joan Lui - Ma un giorno nel paese arrivo io di lunedì), İtalyan müğənni və aktyor Adriano Celentanonun həm baş rolunda yer aldığı, həm də çəkdiyi 1985-ci il tarixli musiqili komediya filmidir. Celentano filmin ssenarisini yazmış, montajını etmiş, musiqilərini bəstələmiş və mahnılarını özü səsləndirmişdir. Filmin istehsalını Cecchi Gori Group öz üzərinə götürmüşdür. Film təxminən 163 dəqiqə davam edir və İtaliyada ilk dəfə 25 Dekabr 1985-də göstərildi.

Hekayə İsa Məsihin ikinci dəfə dünyaya gəlişini günümüzə daşıyır. Qərb mədəniyyətinin ikiüzlülüyünə qarşı çıxan müğənni Joan Lui mesajını bəyan etmək üçün gənc musiqiçilərdən bir qrup yaradır. Celentanonun yazıb oxuduğu mahnılar hekayənin onurğasını təşkil edir. Heyətdə Celentanodan başqa Claudia Mori, Marthe Keller, Haruhiko Yamanouchi, Sal Borgese, Francesco Salvi və Romano Puppo kimi adlar yer alır.

Joan Lui Celentanonun həm yazıb, həm çəkib, həm oynadığı dörd filmin dördüncüsü və sonuncusudur; Claudia Morinin 26 illik aktyorluq karyerasını bitirdiyi film kimi də tanınır. Kaskadyor səhnələrinin məsulu fransız Rémy Julienne-dir. Təxminən 20 milyard liralıq xərci ilə İtalyan kinosunun ən bahalı layihələrindən biri olan film müxtəlif istehsal və yayım problemləri ilə anılır. 1985-86 mövsümünün sonunda İtaliya kassasında 23-cü yerdə qaldı; Almaniya və Sovet İttifaqında isə tamaşaçıdan daha böyük maraq gördü.