Detektiv (Détective) (tərcümə)

Détective, Jean-Luc Godardın ssenarisini də yazdığı 1985-ci il tarixli cinayət dramıdır. Bəzi mənbələr filmi Fransa-İsveçrə birgə istehsalı kimi qeyd edir. Film 1985-ci il Kann Kino Festivalının əsas müsabiqə proqramında nümayiş olundu. Eyni il Gent Kino Festivalında mövcud musiqidən ən yaxşı istifadə edən film kimi Georges Delerue mükafatını, Rotterdam Kino Festivalında isə ən yenilikçi film mükafatını aldı. Fransada 10 may 1985-ci ildə, Amerika Birləşmiş Ştatlarında 23 avqustda ekranlara çıxdı.

Hadisələr Parisdəki böyük bir oteldə cərəyan edir. Yolları ayrılmağa hazırlaşan bir cütün hekayəsi, cütə bağlanan iki ayrı borc, yaxınlaşmaqda olan bir boks görüşü və iki il əvvəl törədilmiş bir qətli araşdıran iki dedektivin istintaqı əvvəlcə üst-üstə düşür, sonra bir-birinə qarışır. Heyətdə Nathalie Baye, Jean-Pierre Léaud, Laurent Terzieff, Johnny Hallyday, Claude Brasseur və Alain Cunynin yanı sıra Emmanuelle Seigner və Julie Delpy də var.

Godard detektiv cızığını ədəbiyyatdan, kinodan və musiqidən çoxsaylı göndərmələrlə doldurur: Şekspirin Fırtına pyesindən götürülmüş obrazlar, Joseph Conradın Lord Jim əsəri, René Char və André Breton, Cocteaunun La Belle et la Bête əsəri, Schubert, Wagner, Chopin, Liszt və Chabrier. Film hekayəsini həll etməyi inadla rədd edir; buna baxmayaraq rejissorun sonuncu "ənənəvi" filmi sayılır. Müddəti 95 dəqiqədir.