Şeyma Korkmaz

Şeyma Korkmaz — Tərcümeyi-hal

Şeyma Korkmaz 20 dekabr 1988-ci ildə Əskişəhərdə anadan olub. İbtidai məktəbi doğma şəhərində bitirdikdən sonra ailəsi ilə Çanakkaleyə köçüb; liseyi Çanakkale Gözəl Sənətlər Liseyinin Rəsm bölməsində oxuyub və Çanakkale Onsekiz Mart Universitetinin Rəsm-əmək müəllimliyi bölməsini bitirib. Tələbəlik illərində fotomodel kimi çalışıb.

Aktyorluğa 2011-ci ildə Hayata Beş Kala serialında Yağmur obrazı ilə başlayan Korkmaz həmin il başlayan və səkkiz mövsüm davam edən Beni Affet serialında canlandırdığı Feride obrazı ilə geniş kütlələr tərəfindən tanınıb; bu rolu ilə 2018-ci ildə Yaxın Şərq və Şimali Afrikanın ən yaxşı aktrisası seçilib. 2015-ci ildə Öyle yada Böyle filmi ilə kinoya qədəm qoyub, ardından tarixi seriallar olan Kuruluş Osman (2019) və Barbaros (2021) layihələrində rol alıb; Kuruluş Osman serialındakı Mari obrazından 2022-ci ildə ayrılıb. Həmin il Bir Küçük Gün Işığı serialında Sudeni, növbəti il isə Kardeşlerim serialında Süreyyanı canlandırıb. Aktyor Cüneyt Mete ilə 2018-ci ildə nişanlanıb və 2019-cu ildə evlənib.