Savaş Ay

Savaş Ay — Tərcümeyi-hal

Savaş Ay (26 mart 1954, İstanbul - 9 noyabr 2013, İstanbul) — türk jurnalisti, foto-müxbiri, televiziya proqram aparıcısı, rejissoru, ssenaristi, prodüseri və aktyorudur. Əsl adı Savaş Turanlı olan Ay Marmara Ticarət Elmləri Akademiyasında təhsil almışdır.

Jurnalistika və foto-müxbirliklə adını tanıdan Ay ən çox hazırlayıb apardığı A Takımı adlı televiziya proqramı ilə tanınmışdır. Kinoda 2001-ci il istehsalı Dansöz filminin rejissoru, ssenaristi və prodüseri olmaqla yanaşı filmdə Necmi rolu ilə aktyorluq da etmiş; 1996-cı il tarixli İstanbul Kanatlarımın Altında filmində isə Bekri Mustafanı canlandırmışdır. Yılan Hikâyesi, Bir Demet Tiyatro və Avrupa Yakası kimi seriallarda da kiçik rollarda görünmüşdür.

9 noyabr 2013-cü ildə İstanbulda həyatını itirmişdir. Ölümündən sonra mirası ilə bağlı varislər arasında baxılan məhkəmə işi türk mətbuatında geniş yer tutmuş və 2024-cü ildə qərara bağlanmışdır.