Vizontele Tuuba

Vizontele Tuuba është një film turk komedi-dramë i vitit 2003 me firmën e BKM-së, i shkruar, i regjisuar dhe i interpretuar në rolin kryesor nga Yılmaz Erdoğan. Prodhimi, që doli në kinematë e Turqisë më 23 janar 2004, është vazhdimi i Vizontele-s, që pati jehonë të madhe në 2001, dhe niset nga kujtimet e fëmijërisë së regjisorit nga vera e vitit 1980. Historia zhvillohet gjashtë vjet pas ngjarjeve të filmit të parë, në periudhën e grushtit të shtetit të vitit 1980, në një qytezë të vogël larg politikës në Anadollin Lindor.

Në qendër të filmit janë Güner Sernikli, i dëbuar nga perëndimi dhe i emëruar bibliotekar në qytezë, bashkëshortja e tij dhe e bija Tuba, që përdor karrige me rrota. Botët e ndryshme të mendimit që sjell familja, ndjenjat që Deli Emin-i ushqen për Tubën dhe trazirat politike në vend e transformojnë jetën e qytezës. Në rolet kryesore, Erdoğan-it i bëjnë shoqëri Tarık Akan, Demet Akbağ, Tuba Ünsal, Altan Erkekli dhe Tolga Çevik.