Thermoc (Themroc) (përkthyer)

Themroc është një film satirik francez i vitit 1973, i shkruar dhe i drejtuar nga Claude Faraldo. Në këtë film të xhiruar me buxhet të ulët, pothuajse nuk ka dialog të kuptueshëm; komunikimi midis aktorëve realizohet përmes vringëllimave, britmave dhe ulërimave, por falë situatave dhe kontekstit, gjithçka mbetet ende e kuptueshme.

Filmi tregon historinë e punëtorit francez Themroc, i cili rebelohet kundër shoqërisë moderne dhe kthehet ngadalë në një njeri shpelle urban. Në kastin e tij gjenden aktorë si Coluche, i njohur nga teatri Café de la Gare, Jeanne Herviale, Michel Piccoli dhe Miou-Miou. Për shkak të skenave me incest dhe kanibalizëm, filmi mori kufi moshe vetëm për të rritur në vendet ku u shfaq, u bë në 1986 prodhimi i parë i shfaqur në serinë e filmave të diskutueshëm të televizionit britanik Channel 4, dhe me kalimin e kohës fitoi statusin kult.