Shtatë mëkatet vdekjeprurëse (Les Sept Péchés capitaux) (përkthyer)

Les Sept Péchés capitaux (I sette peccati capitali; me titullin anglez The Seven Deadly Sins) është një film me skeçe, bashkëprodhim franko-italian i vitit 1952. Ai trajton shtatë mëkatet vdekjeprurëse përmes episodeve të shkurtra, secili i besuar një regjisori tjetër. Filmi, që bashkon tonet e dramës dhe të komedisë, zgjat rreth dy orë. Në vendet hispanofolëse është shfaqur me titullin Los siete pecados capitales, ndërsa në Spanjë me El Diablo siempre pierde. Skenarin e kanë shkruar Eduardo De Filippo, Charles Spaak dhe Carlo Rim.

Episodet mbajnë me radhë titujt Mendjemadhësia, Epshi, Përtacia, Smira, Lakmia, si dhe Zemërimi e Grykësia, ndërsa i fundit është "Mëkati i Tetë". Pesë nga episodet janë xhiruar në Francë, dy në Itali. Mes emrave që kanë drejtuar episodet janë edhe Claude Autant-Lara, Eduardo De Filippo dhe Jean Dréville. Në versionin e filmit të shfaqur në Itali mungon episodi i shtatë.

Pjesa e aktorëve përbëhet nga yjet e kinemasë franceze e italiane të kohës: Michèle Morgan, Françoise Rosay, Gérard Philipe, Isa Miranda, Louis de Funès, Viviane Romance, Maurice Ronet dhe Henri Vidal janë emrat që spikasin. Shfaqen gjithashtu aktorë si Jean Debucourt, Louis Seigner, Paolo Stoppa dhe Sacha Pitoëff.