Beteja më e Madhe (Il Grande attacco) (përkthyer)

Il grande attacco (me titull ndërkombëtar The Greatest Battle) është një film lufte, bashkëprodhim i Italisë, Gjermanisë Perëndimore dhe Jugosllavisë i vitit 1978, me regji të Umberto Lenzi. Filmi rrëfen historinë e një grupi personazhesh gjermanë dhe aleatë, fatet e të cilëve kryqëzohen në vitet e para të Luftës së Dytë Botërore: komandoja britanik kapiten Martin Scott (Giuliano Gemma), gjenerali amerikan Harold Foster (Henry Fonda) dhe djali i tij John (Ray Lovelock), aktorja hebreje Annelise Ackermann (Samantha Eggar), korrespondenti i luftës Sean O'Hara (John Huston) dhe dy toger gjermanë shumë të ndryshëm nga njëri-tjetri, Kurt Zimmer (Helmut Berger) dhe Manfred Roland (Stacy Keach). Historia arrin kulmin me rikrijimin e Betejës së Vijës Mareth në Tunizi. Filmi, që ka një kast të gjerë yjesh, është prodhuar nga Mino Loy dhe Luciano Martino për Titanus. Lenzi e ka shkruar skenarin së bashku me Cesare Frugoni. Në disa vende filmi është shfaqur edhe me titujt The Biggest Battle dhe Battle Force.