Një Turqi (Tek Türkiye) (përkthyer)

Tek Türkiye është një serial televiziv turk aksioni dhe drame, i transmetuar në Samanyolu TV midis 2007 dhe 2011. Prodhimi zgjati katër sezone dhe përfundoi me episodin e 149-të; emri i tij anglisht është One Türkiye. Regjinë e drejtoi Naci Şelak, skenarin e shkroi Ali Kara.

Historia zhvillohet në fshatin fiktiv Sağırsu, në Siirt, nën kontrollin e terroristëve. Banorët e fshatit luftojnë si me presionin e terrorit, ashtu edhe me varfërinë. Ngjarjet i çon përpara qëndrimi i doktor Tarık, që vjen në zonë dhe vendos të mbetet këtu pranë popullit. Temat e dashurisë, të gjakmarrjes dhe të luftës kundër terrorit trajtohen të ndërthurura në serial.

Edhe pse ngjarjet zhvillohen në lindje, xhirimet janë bërë në Konya. Kostumet u përgatitën me një punë njëmujore në provincat lindore dhe u harxhuan afërsisht 15 mijë metra pëlhurë. Seriali ishte në vitin 2008 ndër prodhimet më të ndjekura të Samanyolu TV; në finalen e sezonit u vendos edhe në krye të listës së reitingut. Nga viti 2010 u transmetua edhe në MBC 4 me dublim arabisht dhe me emrin El Ard El Tayyiba.