Fundi (Son) (përkthyer)

Son, një serial turk i thrillerit psikologjik që filloi në atv më 9 janar 2012, përfundoi më 25 qershor 2012. Producent i prodhimit, që mban firmën e Ay Yapım, është Kerem Çatay, skenarist Berkun Oya, regjisor Uluç Bayraktar, që ka qenë regjisor edhe i Ezel. Seriali, i bazuar tërësisht në një skenar vendas, qysh në fillim u planifikua si një sezon i vetëm me 25 episode dhe u përfundua me saktësisht këtë numër episodesh. Dallimi kryesor në rrëfim është rrjedha e kohës: në 25 episode rrëfehet një periudhë prej rreth tridhjetë vjetësh dhe historia përparon nga fundi drejt fillimit.

Në qendër të historisë është Aylin, që mëson se burri me të cilin ishte martuar me një dashuri të madhe ka vdekur në një aksident ajror. Aylin nuk e beson këtë vdekje dhe nis ta kërkojë burrin; por sa më tej shkon, aq më shumë e sheh se jeta dhe martesa e saj janë ngritur mbi një gënjeshtër. Kastin kryesor e përbëjnë Engin Altan Düzyatan, Nehir Erdoğan, Erkan Can, Berrak Tüzünataç dhe Yiğit Özşener. Uğur Polat, Aylin Aslım dhe Ülkü Duru janë gjithashtu ndër aktorët që u veçuan. Muzikën e serialit e ka bërë Toygar Işıklı.

Son tërhoqi interes edhe jashtë vendit. Seriali u shit në SHBA te 20th Century Fox Television, për ABC u xhirua një episod pilot me titull Runner, por nga ky pilot nuk dolli porosi për serial. Në Rusi, Spanjë dhe Francë u shitën të drejtat e adaptimit lokal, ndërsa në Holandë në vitin 2018 u transmetua një adaptim me titull Flight HS13.