Affer Dreyfus (L'affaire Dreyfus) (përkthyer)

L'affaire Dreyfus është një film televiziv dyepisodësh i vitit 1995, me regji të Yves Boisset, dhe një koproduksion franko-gjermano-çek. Skanari i Jorge Semprún bazohet në librin L'Affaire të Jean-Denis Bredin dhe shtrihet në një kohëzgjatje totale prej më shumë se tre orësh. Prodhimi sjell në ekran skandalin më të diskutueshëm gjyqësor të historisë franceze: kapiteni Alfred Dreyfus me origjinë hebreje shpallet fajtor për tradhti atdheu në vitin 1894 me prova të fabrikuara dhe dënohet me burgim të përjetshëm në Ishullin e Djallit. Edhe kur kuptohet se spiuni i vërtetë është një oficer tjetër, autoritetet ushtarake refuzojnë të pranojnë gabimin dhe çështja shndërrohet në një grindje kombëtare që ndan thellë shoqërinë rreth boshtit të drejtësisë, antisemitizmit dhe nderit të ushtrisë. Filmi ndjek luftën ligjore dhe shoqërore të zhvilluar për vite me radhë për riabilitimin e Dreyfus. Në kast ndodhen Georges Wilson dhe Daniel Mesguich.