Praktikues të karatesë në Stamboll (Karateciler İstanbul'da) (përkthyer)

Karateciler İstanbul'da është një film aksioni dhe arte marciale, bashkëprodhim turko-hongkongez, i shfaqur në 1974. Filmin e regjisoi Victor Lamp dhe e prodhoi Türker İnanoğlu në emër të Erler Film, ndërsa skenarin e shkruan Fuat Özlüer, Cha Low dhe Erdoğan Tünaş. I xhiruar në turqisht dhe kantonisht, ngjarjet e filmit zhvillohen në Stamboll.

Në film, Cüneyt Arkın interpreton Erolin, një polic i suksesshëm që jeton me motrën e tij Yasemin. Kur Wang, njeriu më i rrezikshëm i mafias së Lindjes së Largët, vjen nga Hong Kongu në Stamboll për punë të pista si kontrabandë dhe vrasje, policia i cakton Erolit detyrën për ta kapur; policia e Hong Kongut dërgon në qytet edhe agjenten luftëtare Wang Ti. Kur Helen, e shantazhuar nga Wang, kërkon strehim te Eroli, fillon një përballje vdekjeprurëse mes komisarit dhe vrasësit.