Puthja e Jetës (Hayat Öpücüğü) (përkthyer)

Şenol Sönmez e drejtoi në 2015 komedinë romantike turke Hayat Öpücüğü (me emrin anglisht Kiss of Life). Prodhimin e ka ndërmarrë BKM. Filmi doli në kinema më 9 tetor 2015. Rolet kryesore i ndajnë Ali Sunal dhe Hatice Şendil; për Şendilin kjo është përvoja e parë në kinema. Në arkë nuk pati interesin e pritur, arriti gjithsej 127.446 shikues. Një kritik e ka cilësuar "diku në mes, një komedi e ëmbël".

Në qendër të historisë është Metini (Ali Sunal). Metini, që për shkak të obsesioneve e ka të vështirë të komunikojë me njerëzit, i druhet vdekjes nga aventura dhe nga sëmundja dhe e ndërton jetën e tij duke u varur vazhdimisht nga spitali. Një ditë takon Hayatin (Hatice Şendil), një grua të re plot jetë. Marrëdhënia e tyre nis me sherr, por pak nga pak shndërrohet në dashuri dhe ia ndryshon gjithë jetën Metinit; falë Hayatit Metini zbulon se të marrësh frymë është më shumë se të mbetesh gjallë. Filmi pyet nëse dy njerëz që e duan kaq shumë jetën dhe e frikësohen kaq shumë prej saj mund të jenë të lumtur së bashku pavarësisht gjithë pamundësive. Ayda Aksel luan nënën e Hayatit; Janset doktoreshën Ayça. Në kast janë edhe Ahmet Saraçoğlu (Çarli), Zerrin Sümer (fqinja), Somer Karvan (doktor Onur) dhe Mehmetcan Mincinozlu (Hasan).

Skenarin e kanë shkruar Saygın Delibaş dhe Fethi Kantarcı. Prodhues është Necati Akpınar, operator Cengiz Fazlıoğlu; muzikën e kanë përgatitur Cem Erman dhe H. Barış Diri. Regjisori Sönmez ka punuar më parë në serialin Huzur Sokağı.