Gruri (Buğday) (përkthyer)

Buğday, film i vitit 2017 i shkruar e i drejtuar nga Semih Kaplanoğlu, është një dramë fantastiko-shkencore paspokaliptike, e xhiruar bardhezi dhe me anglishten si gjuhë origjinale. Prodhimi i filmit, bashkëprodhim i Turqisë, Francës dhe Gjermanisë, zgjati rreth pesë vjet; xhirimet u kryen në SHBA, Gjermani dhe Turqi. Vepra rreth 128-minutëshe tregon një botë që po shembet në një të ardhme të afërt, përmes thatësirës, urisë, krizës së refugjatëve dhe farërave gjenetikisht të modifikuara.

Rrëfimi ndjek udhët që kryqëzohen në zonën e Tokave të Vdekura mes profesorit Erol Erin, specialist i gjenetikës së farërave, dhe shkencëtarit Cemil, i cili ka lënë pas një karrierë të shkëlqyer dhe jetën lodhëse të qytetit, duke ia kthyer shpinën jetës moderne. Udhëtimi që nisin për të kërkuar farëra që do të mbijnë, do t'i ndryshojë nga rrënjët të gjitha ato që Eroli ka mësuar deri sot. Rolet kryesore i ndajnë Jean-Marc Barr, Ermin Bravo dhe Grigoriy Dobrygin. Filmi bëri premierën botërore më 12 gusht 2017 në Festivalin e Filmit në Sarajevë dhe fitoi çmimin e madh në Festivalin Ndërkombëtar të Filmit në Tokio.