Agustini: Rënia e Perandorisë Romake (Sant'Agostino) (përkthyer)

Augustine: The Decline of the Roman Empire është një minisetial italian historik dramatik i vitit 2010, me dy pjesë. Prodhimi, që në Itali u transmetua me titullin Sant'Agostino, njihet edhe me titullin Restless Heart: The Confessions of Saint Augustine. Subjekti është jeta e Shën Augustinit, një nga teologët e hershëm të krishterë, shkrimtar dhe peshkop i Hippo Regius, i cili llogaritet ndër katër etërit e Kishës së Krishterë. U shfaq në ekranet e Rai 1 më 31 janar dhe 1 shkurt 2010.

Rrëfimi e ndjek Augustinin, që kaloi një rini të trazuar mes besimit dhe filozofisë. Kthimi i tij te krishterimi me lutjet e nënës, Monica, dhe më pas detyra që mori si peshkop në Afrikën e Veriut përbëjnë boshtin e historisë. Seriali arrin në vitin 430, kur ndodh pushtimi vandal; në botën romake që po shembet, peshkopi i moshuar përpiqet ta mbajë bashkësinë e tij të bashkuar. Krahas Monica Guerritore dhe Alessandro Preziosi, në kast janë Franco Nero, Johannes Brandrup, Götz Otto, Alexander Held, Katy Saunders, Sebastian Ströbel, Serena Rossi dhe Alessandro Borghi.

Në karrigen e regjisorit është Christian Duguay, skenari i përket Francesco Arlanch. Xhirimet janë bërë në Tunizi, në vende reale. Ndër producentët janë Rai Fiction, Lux Vide, Eos Entertainment, Rai Trade dhe Grupa Filmowa Baltmedia. Të dyja pjesët e veprës, të transmetuar në italisht, zgjasin gjithsej rreth 200 minuta.