Vincent Dənizə Getmək İstəyir (Vincent will Meer) (tərcümə)

Vincent Wants to Sea (orijinal adıyla Vincent will Meer), Ralf Huettnerin rejissorluq etdiyi 2010-cu il istehsalı Alman faciəvi-komediya yol filmidir. Ssenarini də yazan Florian David Fitz, Tourette sindromlu gənc Vincenti canlandırır; anasının ölümündən sonra qaldığı klinikada tanış olduğu obsesiv-kompulsiv pozğunluğu olan Alexander və anoreksiya xəstəsi Marie ilə birlikdə klinikadan qaçaraq İtaliyadakı dənizə doğru yola düşür.

Constantin Filmin törəmə şirkəti Olga Film tərəfindən istehsal edilən və iyul-sentyabr 2009-cu ildə Almaniya, Avstriya və İtaliyada (Münhen, Allgäu, Berchtesgaden, Trieste) çəkilən film, 22 aprel 2010-cu ildə Almaniyada nümayiş olundu, bir milyondan çox tamaşaçı ilə 2010-cu ilin ən çox izlənilən dördüncü Alman istehsalı olmuşdur. Film Bambi, iki Bavariya Film Mükafatı, iki Alman Film Mükafatı və Jupiter Mükafatı daxil olmaqla müxtəlif mükafatlar qazanmış, 2014-cü ildə Amerika remeyki The Road Within olaraq ekranlaşdırılmışdır. Filmin aktyor heyətində türk əsilli Alman aktyor Tim Seyfi də yer alır.