Üçlü Xaç (Triple Cross) (tərcümə)

Triple Cross, Terence Youngun çəkdiyi 1966-cı il istehsalı olan casus və müharibə filmidir; İngiltərə-Fransa birgə istehsalıdır və Eastman Color ilə çəkilmişdir. Fransada La Fantastique Histoire vraie d'Eddie Chapman adı ilə 1966-cı ilin dekabrında nümayiş olunan film Avropanın digər ölkələrində və Amerika Birləşmiş Ştatlarında 1967-ci ildə tamaşaçı ilə görüşdü. Müddəti 140 dəqiqədir. Tənqidçilərdən qarışıq qiymət aldı.

Mövzusu real bir şəxsə əsaslanır: Eddie Chapman almanlar tərəfindən Britaniyadakı ən yaxşı casusları sanılarkən əslində "Zigzag" kod adı ilə MI5 üçün çalışan ikiqat agent idi. Soyğunçuluqdan müharibə agentliyinə keçən bu adamın hekayəsi Chapmanın Frank Owen ilə birlikdə yazdığı 1953-cü il tarixli xatirə kitabından götürülmüşdür. Baş rolda Christopher Plummer yer alır. Ona Romy Schneider, Yul Brynner, Gert Fröbe, Trevor Howard və Claudine Auger yoldaşlıq edir; Jess Hahn və Charles Millot da heyətdədir. Filmin adı Chapmanın almanlara sərbəst yayım etdiyini bildirmək üçün Morze kodu ilə göndərdiyi XXX imzasından gəlir; adın ikinci mənası da son səhnədə üzə çıxır.

Ssenarini René Hardy və William Marchant yazmışdır. Prodüser Jacques-Paul Bertrand, musiqi isə Georges Garvarentzdir. Çəkilişlər Amerika Birləşmiş Ştatlarında, Britaniyada və Federal Almaniyada aparıldı; Almaniyada film Spion zwischen 2 Fronten adı ilə tanınır.