Ağ Şahzadə (The White Princess) (tərcümə)

"Ağ Şahzadə" Starz üçün hazırlanmış tarixi dram televiziya mini-serialıdır. Film Filippa Qreqorinin 2013-cü ildə yazılmış eyniadlı romanı və daha az dərəcədə 2014-cü ildə yazılmış "Kralın lənəti" adlı davamı əsasında çəkilib. Bu, Qreqorinin əvvəlki üç romanını uyğunlaşdıran 2013-cü ildə yazılmış "Ağ Kraliça" mini-serialının davamıdır və "Ağ Kraliçanın" bitdiyi yerdən başlayır.

Serialda VII Henri və Yorklu Elizabetin evliliyi Lankaster və York ailələrini birləşdirərək Güllər Müharibəsinə faktiki olaraq son qoyur. Lakin onların qarşılıqlı düşmənçiliyi və inamsızlığı, eləcə də analarının siyasi planları həm evliliyi, həm də krallığı parçalamaq təhlükəsi yaradır.