Bəxt Əsgəri (Il soldato di ventura) (tərcümə)

Il soldato di ventura, ingilis dilindəki adı ilə Soldier of Fortune, Pasquale Festa Campanilenin çəkdiyi 1976-cı il istehsalı italyan-fransız komediyasıdır. Macəra ab-havası daşıyan film baş rol ifaçısı Bud Spencerin ağırlığı üzərində qurulmuşdur. Spencer italyan xalq qəhrəmanı Ettore Fieramoscanı canlandırır. Film italyan dilində çəkilmiş olub 95 dəqiqə davam edir.

Mövzusu Barletta Çağırışı kimi tanınan tarixi hadisədir; lakin film bunu ciddi müharibə anlatısı kimi deyil, gülməli və qroteks tonda işləyir. Fieramosca ilə yoldaşları şərəflərini müdafiə uğrunda bir-birindən qəribə macəraların içinə düşür. Spencerin yanında Enzo Cannavale, Frédéric de Pasquale, Jacques Dufilho, Andréa Ferréol, Angelo Infanti, Philippe Leroy, Oreste Lionello, Eros Pagni, Renzo Palmer, Gino Pernice, Mario Pilar, Marc Porel və Mariano Rigillo kimi aktyorlar rol alır.

Ssenarini Luigi Magni, Franco Castellano və Giuseppe Moccia yazmışdır. Film müxtəlif ölkələrdə müxtəlif adlarla göstərilmişdir: Fransada La Grande Bagarre, Almaniyada Hector, der Ritter ohne Furcht und Tadel, Rumıniyada Cei 13 de la Barletta və televiziya yayımlarında Cu foamea-n gât. İranda dublyajlı şəkildə “Mardan-e Mozdur” (“Muzdlu Əsgərlər”) adı ilə yayımlanmışdır.