Orhan Aksoy

Orhan Aksoy — Tərcümeyi-hal

Orhan Aksoy (10 yanvar 1930, Mustafakemalpaşa - 22 yanvar 2008, İstanbul) — türk kino rejissoru, ssenarist və prodüseri. Liseydən sonra təhsilini yarımçıq qoyaraq kino dünyasına İstanbulun Şık və Saray kinoteatrlarında kinomexanik kimi daxil olmuş; üç il bu işdə çalışdıqdan sonra 1952-ci ildən İpek Film studiyasında işləməyə başlamışdır.

1963-cü ildə Ayhan Işıq və Ajda Pekkanın oynadığı "Şıpsevdi" komediyası ilə rejissorluğa başlamışdır. Karyerası boyu 90-dan çox film çəkmiş, 50-dən çox ssenari yazmış və Antalya "Qızıl Portağal" film festivalında üç dəfə ən yaxşı rejissor mükafatına layiq görülmüşdür.

Onun filmləri arasında "Kederli Günlerim" (1967), "Vurun Kahpeye" (1973), "Baraj" (1977), "Dila Hanım" (1977), "Neşeli Günler" (1978), "Zehir Hafiye" (1989), "Hasan Boğuldu" (1990) və "Varyemez" (1991) vardır.