Meral Konrat

Meral Konrat — Tərcümeyi-hal

Meral Konrat (d. 11 mart 1963, Karaman), Krım tatarı mənşəli bir ailədən gələn türk aktrisa, müğənni və aparıcıdır. Marmara Universitetinin Gözəl Sənətlər Fakültəsi İçmimarlıq Bölümündə təhsil almışdır.

Tələbəlik illərində reklam filmlərində rol alaraq sənət həyatına başlayan Konrat, kinoya keçidinin ardından ilk oynadığı Üçüncü Göz (1988) filmi ilə 2-ci Ankara Film Festivalında Ümid Verən Yeni Qadın Aktrisa mükafatını qazanmışdır. Gülbeyaz, İsa Musa Meryem və Doktorlar (1989) kimi işlərdə rol alan sənətçi, 1993-cü il istehsalı olan Tahmine filmindəki Tahmina surəti ilə tanınmış və bu rolu ilə Azərbaycanda da böyük maraqla qarşılanmışdır. Yaz Aşkım (1998) filmində həm aktrisa, həm də prodüser kimi çıxış edən Konrat, Kader (1995), Solan Gül (1993) və Aşk ve Barış (1998) işlərində də prodüser kimi fəaliyyət göstərmişdir.

Aktrisalıqdan başqa mankenlik, klip rejissorluğu və ssenari müəllifliyi də edən Konrat, "İtiraf Ediyorum" adlı bir albom çıxarmış, 1994-cü ildən 2004-cü ilə qədər TGRT-də yayımlanan "Vitrin" proqramını on il boyunca aparmış, sonra Karadeniz TV-də bir səhər proqramına ev sahibliyi etmişdir. 2004-cü il yerli seçkilərində Genç Parti-dən Şişli bələdiyyə başçılığına namizədliyini qoymuş, seçkini Mustafa Sarıgülə uduzmuşdur. 2022-ci ildə Film-San Vakfı sədr müavinliyinə seçilmişdir.