Melisa Döngel

Melisa Döngel — Tərcümeyi-hal

Melisa Döngel 18 sentyabr 1999-cu ildə İstanbulda anadan olub. Atası türk, anası isə rus əsilli olan aktrisa Osman Yağmurdereli Sənət Akademiyasında əsas aktyorluq, Hilal Saral Atelyesində isə kamera qarşısında aktyorluq təhsili alıb. 2014-cü ildə Elif serialı ilə aktyorluğa başlayan Döngel Arka Sokaklar və Hangimiz Sevmedik seriallarından sonra Bizim Hikaye serialında canlandırdığı Deniz obrazı ilə geniş kütlə tərəfindən tanınıb. Aşk Ağlatır, Sen Çal Kapımı və Sadakatsiz seriallarında rol alan aktrisa 2021-ci ildə Aşk Mantık İntikam serialında Çağlanı, 2022-ci ildə isə Kusursuz Kiracı serialında Leylanı və Barbaros Hayreddin: Sultanın Fermanı serialında Mia de Lunanı oynayıb. Aşk Taktikleri 2 filmində Feridəni canlandıran Döngel 2023-cü ildə Kirli Sepeti serialında Aylini, 2025-ci ildə isə Sekizinci Aile serialında Dilanı oynayıb. Modellik də edən aktrisanın boyu 1,76 metrdir.