Açelya Topaloğlu

Açelya Topaloğlu — Tərcümeyi-hal

Açelya Topaloğlu 19 noyabr 1986-cı ildə İzmirdə anadan olub. Rəqsə marağı erkən yaşlarından başlayan aktrisa Tan Sağtürk Rəqs Məktəbində müasir rəqs təhsili alıb, aktyorluq təhsilini isə Müjdat Gezen Sənət Mərkəzində tamamlayıb.

Ekran karyerasına 2008-ci ildə Aşk Yakar serialı ilə başlayan Topaloğlu; Arka Sokaklar, Gece Sularında İstanbul və Eve Düşen Yıldırım seriallarından sonra 2013-cü ildən Güldür Güldür Show heyətinə qoşulub. Kaçak Gelinlerdən sonra 2015-ci ildə İnadına Aşk serialında Defne obrazını canlandırıb.

2017-ci ildə Kanal D-də yayımlanan, baş rolları Furkan Andıç, Ayça Ayşin Turan və Cemal Toktaşın paylaşdığı Meryem serialında Derin obrazına həyat verən aktrisa, həmin il Damat Takımı filmində də rol alıb.