Çfarë atëherë? (Ya Sonra) (përkthyer)

Ya Sonra është një film turk komedi romantike i vitit 2011, të cilin Özcan Deniz e ka shkruar, regjizuar dhe në të cilin luan në rolin kryesor. Filmi, prodhim i Warner Bros., doli në ekrane më 25 shkurt 2011.

Historia trajton çiftin Adem dhe Didem, të cilët po arrijnë vitin e shtatë të martesës. Pas disa nismave tregtare të dështuara, Adem kthehet te profesioni i tij i mëparshëm si veteriner dhe, i zënë nga rutina e përditshme, fillon t'i kushtojë gjithnjë e më pak kohë bashkëshortes së tij dhe të largohet prej saj. Didem, e cila ka rrezikuar gjithçka për dashurinë e tyre, është e pakënaqur për shkak të kësaj mungese vëmendjeje dhe mendon të rigjallërojë karrierën që e kishte lënë mënjanë për hir të martesës. Pikërisht në këtë moment i del përpara ndoshta burri që ka kërkuar gjatë gjithë jetës, dhe jeta e çiftit merr një kthesë të papritur.

Në filmin ku Deniz Çakır mishëron Didemin dhe Özcan Deniz mishëron Ademin, luajnë gjithashtu Barış Falay, Aliye Uzunatağan, Fatma Toptaş dhe Janset. Prodhimi, i cili hyri i dyti në arka gjatë fundjavës së hapjes, është radhitur ndër filmat turq më të shikuar të vitit 2011.