Ne kemi një Papë (We Have a Pope) (përkthyer)

Habemus Papam është një komedi dramatike franko-italiane e vitit 2011, e regjisuar nga Nanni Moretti, i cili skenarin e shkroi bashkë me Francesco Piccolon dhe Federica Pontremolin. Titullin e merr nga shprehja latine „Kemi një papë“, që përdoret për të njoftuar zgjedhjen e një pape të ri; filmi doli në Itali në prill 2011 dhe konkurroi në Festivalin e 64-t të Kanës.

Në film Michel Piccoli luan kardinalin Melville, që zgjidhet papë përkundër dëshirës së tij dhe ndien se nuk do ta përballojë detyrën. Pasi papa i ri ikën nga ceremonia ku do të shpallej zgjedhja, psikanalisti Brezzi (Nanni Moretti) ngarkohet ta ndihmojë të kapërcejë panikun; por papa nuk bindet dhe në fund ikën edhe nga Vatikani, duke u përzier me njerëzit e thjeshtë.