Rroftë Riva! (Viva Riva!) (përkthyer)

Viva Riva!, skenarin e shkruar dhe regjinë e bërë nga Djo Tunda Wa Munga, është një film thriller krimi i vitit 2010, bashkëprodhim i Kongos, Francës dhe Belgjikës. I xhiruar në gjuhën frënge dhe lingala, filmi ka rëndësi si filmi i parë kongolez i prodhuar në territorin e Republikës Demokratike të Kongos pas një ndërprerjeje prej më shumë se njëzet e tetë vjetësh. Historia e filmit, në të cilin luajnë Patsha Bay, Manie Malone, Fabrice Kwizera dhe Hoji Fortuna në rolin e gangsterit angolez Cesar, zhvillohet në Kinshasa.

Filmi mori dymbëdhjetë nominime në ceremoninë e shtatë të Çmimeve të Akademisë Afrikane të Filmit dhe fitoi gjashtë çmime, përfshirë atë për filmin më të mirë, regjinë më të mirë, fotografinë më të mirë dhe dizajnin më të mirë të prodhimit, duke u bërë filmi më i shpërblyer i çmimeve deri në atë datë. Viva Riva! u zgjodh gjithashtu filmi më i mirë afrikan në MTV Movie Awards 2011.