Manual dashurie (Manuale d'amore) (përkthyer)

I regjisuar nga Giovanni Veronesi, Manuale d'amore është një komedi romantike italiane e vitit 2005, e përbërë nga katër episode të ndërlidhura. Në të parin Giulia dhe Tommaso njihen e bien në dashuri, në të dytin martesa e Barbarës me Markon vjen në prag të divorcit, në të tretin një police trafiku e tradhtuar nga burri merr hakun, ndërsa në të fundit tregohet historia e Goffredos, mjek i pasur i braktisur nga gruaja. Çdo takim hap derën e historisë tjetër dhe të gjithë personazhet janë disi të lidhur mes tyre.

Skenari, i shkruar nga Ugo Chiti dhe Veronesi mbi idenë origjinale të Vincenzo Ceramit, e bën filmin një nderim për mjeshtrit e commedia all'italiana, Ettore Scola dhe Dino Risi. Produksioni i Filmauros nxori 15 milionë euro në Itali, u bë filmi i dytë më i shikuar i vitit dhe fitoi dymbëdhjetë nominime për David di Donatello. Dy vazhdime u xhiruan në 2007 dhe 2011.