Lennon ose McCartney (Lennon or McCartney) (përkthyer)

Lennon or McCartney është një film dokumentar i shkurtër i vitit 2014, i drejtuar nga Matt Schichter. Filmi mbledh përgjigjet e 550 personazheve të njohur ndaj një pyetjeje të vetme, të përmbledhura nga intervista të bëra ndër vite: cili nga dy ish-anëtarët e The Beatles është më i mirë, John Lennon apo Paul McCartney? Ndër emrat, mendimet e të cilëve përfshihen, janë Arctic Monkeys, Benedict Cumberbatch, Carly Rae Jepsen, Justin Bieber, Metallica, Morgan Freeman, Sylvester Stallone dhe Tommy Chong.

Sipas rezultateve, 282 persona zgjodhën Lennon-in, 196 persona zgjodhën McCartney-n, ndërsa 15 persona u përgjigjën me George Harrison dhe katër persona me Ringo Starr; 50 persona mbetën pa përgjigje. Schichter ka deklaruar se i kishte tashmë në dorë pamjet e intervistave dhe se vendosi ta bëjë këtë përmbledhje në minutën e fundit.