Ti Je Kudo (Her Yerde Sen) (përkthyer)

Her Yerde Sen është një serial turk i komedisë romantike, prodhim i vitit 2019. I përshtatur lirshëm nga seriali tajvanez Just You, ky projekt u realizua nga Karga Seven Pictures. Regjinë e mori përsipër Ender Mıhlar, ndërsa skenarin e shkruan së bashku Deniz Yeşilgün dhe Esra Çetek Yılmazer. Në muzikën e titrave gjendet nënshkrimi i Zeynep Bastık.

Seriali tregon historinë e Demir dhe Selin, dy të rinj kokëfortë që pretendojnë të drejta mbi të njëjtën shtëpi dhe detyrohen të jetojnë së bashku. Për më tepër, rrugët e tyre kryqëzohen edhe në jetën profesionale: kur Selin vjen si drejtoreshë në kompaninë ku punon Demir, bëhet e pamundur që të dy të shmangin njëri-tjetrin. Rolet kryesore ndahen nga Furkan Andıç dhe Aybüke Pusat.

Episodi i parë i serialit u shfaq më 14 qershor 2019; ai vazhdoi për 23 episode dhe i tha lamtumirë ekranit më 23 nëntor 2019. Prodhimi u shpall seriali më i mirë i komedisë romantike në edicionin e 24-t të Çmimeve Altın Objektif; ndërsa në edicionin e 46-t të Çmimeve Altın Kelebek, çifti Demir dhe Selin, i interpretuar nga Andıç dhe Pusat, u nderua me çmimin për çiftin më të mirë të serialeve.