Vetëtima e Zezë (Black Lightning) (përkthyer)

Black Lightning (me emrin origjinal: Çyornaya Molniya) është një film rus superheronjsh i vitit 2009, i drejtuar nga Aleksandr Voytinskiy dhe Dmitry Kiselyov, me skenar të Dmitriy Aleynikov. Prodhimin e veprës, që bashkon zhanret e aksionit, të fantashkencës dhe të fantastikes, e mori përsipër regjisori i njohur Timur Bekmambetov. Filmi 102-minutësh doli në shfaqje të përgjithshme në Rusi më 31 dhjetor 2009, ndërsa në disa kinema u takua me shikuesit më 26 dhjetor. Rrëfimi nis kur Dima Maykov (Grigori Dobrıgin), student i Universitetit Shtetëror të Moskës, zbulon se një Volga e vjetër që ia dhuroi i ati është në të vërtetë një projekt i fshehtë sovjetik që fluturon. Dima, që në fillim e përdor makinën për të fituar para, me kohë kthehet në një hero të njohur me emrin 'Vetëtima e Zezë'. Në trupë janë edhe Ekaterina Vilkova, Viktor Verzhbitsky e Sergei Garmash.