Besnikëria Hasan (Bağlılık Hasan) (përkthyer)

Bağlılık Hasan është një film dramë turk i vitit 2021, të cilin Semih Kaplanoğlu e ka shkruar dhe regjisuar. Në shfaqjet ndërkombëtare njihet me titullin Commitment Hasan.

Filmi tregon historinë e Hasanit dhe gruas së tij Filiz, të cilët sigurojnë jetesën nga kopshti me pemë frutore dhe fusha me domate që i ka mbetur nga babai i tij. Çifti, që prej vitesh ka dhënë së bashku betejën e jetës, ka jetuar sipas dëshirave të veta, pa marrë shumë parasysh rrethin. Kur vjen lajmi që prisnin për të shkuar në haxhillëk, fillojnë përgatitjet; por në prag të këtij udhëtimi të shenjtë, Hasani detyrohet të përballet me vlerat mbi të cilat e ka ndërtuar jetën dhe me gjërat që ka bërë në të kaluarën. Në rolet kryesore shfaqen Umut Karadağ dhe Filiz Bozok.

Prodhimi ishte pjesë e garës në seksionin Një Vështrim i Caktuar të Festivalit të Filmit të Cannes 2021, dhe po atë vit u zgjodh si kandidati i Turqisë për Çmimin e Filmit Më të Mirë Ndërkombëtar në edicionin e 94-të të Çmimeve Oscar.