Akrepi Mustafa (Akrep Mustafa) (përkthyer)

Akrep Mustafa është një film aventurash turk bardh e zi i vitit 1972. Regjinë, skenarin dhe prodhimin i mori përsipër Semih Evin, ndërsa drejtimin e fotografisë e bënë Mustafa Yılmaz dhe Muzaffer Turan. Kompania prodhuese e filmit 73-minutësh është Roket Film.

Personazhin Akrep Mustafa, që i jep emrin filmit, e interpretoi Erol Taş, njëri nga horrat e paharrueshëm të kinemasë turke. Në kast janë Tugay Toksöz në rolin e Shefit të Policisë Murat Kartal, Deniz Erkanat në rolin e Doktor Ümit, Kadri Ögelman në rolin e Cicoz Ali dhe Haluk Orçun në rolin e komisarit. Fjalët kyçe të SinemaTürk —vjedhje, arratisje, borë, film policor dhe Bursa— tregojnë se filmi rrëfen një histori krimi. Sipas praktikës së zakonshme të kohës, filmi është i dubluar; Erol Taş-it i dha zë Sadettin Erbil, ndërsa Tugay Toksöz-it Hayri Esen.