Neshe

Neshe — Biografia

Neshe është këngëtare, autore tekstesh, aktore dhe balerinë turke, e njohur për përzierjen e pop-it latin me stilet e muzikës etnike; emri i vërtetë është Neşe Ceren Aktay. Artistja, që vjen nga skenat e teatrit muzikor, pas vitit 2020 me këngë në spanjisht e anglisht gjeti dëgjues në Amerikën Latine, Spanjë dhe Ballkan; në 2025 ishte një nga emrat që garuan në përzgjedhjet e San Marinos për Eurovision.

Lindi dhe u rrit në Stamboll, në moshë të vogël filloi të interesohej për baletin, vallëzimin, teatrin dhe muzikën. Studioi vallëzim modern në Konservatorin Shtetëror të Universitetit Mimar Sinan dhe teatër muzikor në Konservatorin Shtetëror të Universitetit të Stambollit; karrierën në skenë e nisi në Institut del Teatre në Barcelonë si studente Erasmus. Mori pjesë në muzikalet Footloose në Shtetet e Bashkuara të Amerikës, Notre Dame, Nine, Chicago dhe Cabaret në Evropë, luajti në Teatrot e Qytetit të Stambollit, pastaj u bë solisten e Orkestrës Enbe.

Në këngë hyri në nëntor 2020 me singlin e saj të parë Hijo de la Noche të nxjerrë me Jimmy Dub; klipi i xhiruar në Mardin bashkoi elemente latine dhe turke dhe u pa mbi një milion herë në YouTube. Singli i saj i parë në turqisht, Bingo, doli në 2023, prodhimin e ndërmori Neneto, kompozitorja rumune Emanuela Oancea mori pjesë edhe në shkrimin e tekstit. Versioni anglisht-spanjisht i këngës, Downtown, u publikua në gusht 2024. Në 2025 mori pjesë në gjysmëfinalen e konkursit Una Voce per San Marino me këngën Fallin'.