Mehmet Can Aydın

Mehmet Can Aydın — Biografia

Mehmet Can Aydın lindi më 9 shkurt 2002 në Würselen, në landin gjerman Rajna Veriore-Vestfali. Lojtari me origjinë turke është i gjatë 1,80 metra dhe luan si mbrojtës i djathtë dhe krah i djathtë. Me kombëtaret e Gjermanisë nën 15, 16, 17, 19 dhe 20 vjeç luajti në disa ndeshje.

Karrierën profesioniste e filloi te Schalke 04. Ndeshjen e parë në Bundesliga e luajti më 3 prill 2021 kundër Bayer Leverkusen si titullar; Schalke e humbi këtë ndeshje 2-1 në udhëtim. Në janar 2022 e zgjati kontratën deri në vitin 2025 dhe në sezonin 2021-22 korri me ekipin titullin e 2. Bundesliga.

Në mars 2023 Stefan Kuntz e thirri në listën e Kombëtares së Turqisë për eliminatoret e EURO 2024; në ndeshjet me Armeninë dhe Kroacinë nuk pati shans të luante. Në gusht 2023 u huazua për një sezon te Trabzonspor me opsion blerjeje dhe në mars 2024 klubi njoftoi lëndimin që pësoi. Më 2 korrik 2025 nënshkroi një kontratë dyvjeçare me Eintracht Braunschweig të 2. Bundesliga.