Elif Doğan

Elif Doğan — Biografia

Elif Doğan është aktore turke, e lindur më 6 shtator 1994 në Stamboll. Doğan, e diplomuar në Degën e Muzikalit të Konservatorit Shtetëror të Universitetit të Stambollit, përveç aktrimit është marrë edhe me vallëzim e dublim dhe ka punuar gjithashtu si mësuese e anglishtes.

Aktorja, që e nisi karrierën në ekran në vitin 2016 me serialet Aşk Laftan Anlamaz dhe Hayat Bazen Tatlıdır, u njoh nga publiku i gjerë me personazhin Hale, që interpretoi në serialin e gjatë të Show TV-së Çukur (2017). Më pas erdhën serialet Darısı Başımıza (2018) e Gençliğim Eyvah (2020), si edhe filmi Aşk Tesadüfleri Sever 2 (2020), në të cilin luajti rininë e Semasë. Doğan, që luajti edhe në serialin Destan (2021), i dha jetë personazhit Sevda Rona në serialin Dilek Taşı, që nisi në 2023.