Tuğçe Kandemir

Tuğçe Kandemir — Tərcümeyi-hal

Tuğçe Kandemir (d. 23 fevral 1996) — Türkiyə müğənni-söz yazarı və ədəbiyyat müəllimi.

O, sevgi və kədər ilə bağlı mahnıları ilə tanınır. O, 8 yaşından musiqi ilə maraqlanmağa başlayıb. Mersin Universitetini ədəbiyyat müəllimi kimi bitirib. O, təyinat gözləyərkən yaşadığı ayrılıq ağrısından sonra ifadə etdiyi "Bu Benim Öyküm" mahnısı internetdə yayıldıqdan sonra məşhurlaşıb. Bundan sonra bir prodüser şirkəti ilə müqavilə bağlamış və mahnıya klip çəkilmişdir. "Bu Benim Öyküm" 100 milyon baxışa çatmış və ilin "ən yaxşı mahnısı" olmuşdur. Daha sonra ifa etdiyi "Gülü Soldurmam", "Yalan" və "İçimdeki Sen" (Bilal Sonses ilə birlikdə ifa edib) mahnıları da 100 milyon baxış sayını keçmişdir. "tabii" platformasının "Üniversdeli" serialında qonaq rol almışdır.