Sıfır Bir

"Sıfır Bir" (S1 F1R B1R kimi stilizə edilmişdir) BluTV platformasında yayımlanan bir türk internet dram və cinayət serialıdır. Kadri Beran Taşkının rejissorluğu ilə çəkilən serial tamamilə Türkiyənin Adana şəhərində çəkilib və ilk bölümü 1 iyun 2016-cı ildə yayımlanıb. Altı mövsümdən sonra 12 iyun 2019-cu ildə başa çatıb.

Serial, Adananın Hürriyət məhəlləsində yaşayan üç gənc oğlanın - Savaş, Cio və Özgürün - hekayəsini və onların yaşadıqları əraziləri bürüyən narkotik, cinayətkarlıq və mafiya ilə mübarizəsini izah edir. Polisin tez-tez girə bilmədiyi bu küçələrdə bu gənc oğlanlar nəyin bahasına olursa olsun müqavimət göstərir, yolda yaxın dostlarını itirirlər; və həbsxanaya düşəndə ​​mübarizələri dəmir barmaqlıqlar arxasında davam edir.

Rollarda Cihangir Ceyhan, Onur Akbay, Savaş Satış və Özgür Meriç yer alır. Serialın davamı olan eyniadlı bədii film də var və film 10 yanvar 2020-ci ildə nümayiş olunacaq.