Qarışqa tələsi (Karınca Kapanı) (tərcümə)

Türk triller-detektiv filmi Karınca Kapanı (ingiliscə adı Ant Trap) 2014-cü ildə ekrana çıxdı. Aktyor Fırat Tanış bu filmlə ilk dəfə rejissor kreslosuna oturmuş, eyni zamanda baş rollardan birini üstlənmişdir. Film evlilik, sərvət və qisas ətrafında dönən üçlü hesablaşmanı danışır; cinayət və triller janrına fərqli bir yozum gətirdiyi deyilir. Film 2014-cü il mayın 9-da kinoteatrlara çıxmışdır.

Hekayənin mərkəzində ölkənin ən böyük holdinqlərindən birinin sahibi Güven Sarıselimoğlu var; investisiyaları əsasən inşaat olmaqla bir çox sahəyə yayılmışdır. Həyat yoldaşı Münevver ərinin daim nəzarət altında saxladığı bədbəxt bir evlilik yaşayır. Ondan qurtulmaq və qisas almaq istəyən Münevver mafiya başçısı Galibə müraciət edir. Galibin heç kimin qabaqcadan görə bilməyəcəyi bir plan qurması ilə tələyə düşən üç nəfərin hesablaşması bütün ölkənin taleyinə təsir edəcək həddə çatır. Güveni Cüneyt Uzunlar, Münevveri Neslihan Yeldan, Galibi isə Fırat Tanış oynayır. Heyətdə ayrıca Eşref Kolçak (Güvenin atası), İdil Vural (Özgür), Mesut Yar (televiziya proqramçısı) ilə iki boks məşqçisi rolunda Emre Kınay və Bahtiyar Engin var.

Ssenari Fırat Tanış ilə Cüneyt Uzunlara aiddir. Prodüserlər Arif İlke və Bilal Kalyoncu, istehsal şirkəti Siyah Perdedir; filmin yayımını Tiglon üstlənmişdir. Quruluşçu operator Vedat Özdemir, quruluşçu rəssam Duygu Dündardır.