Yerləşmirsə, Daha Böyük Çəkic İşlət (Was nicht passt, wird passend gemacht) (tərcümə)
Was nicht passt, wird passend gemacht, Peter Thorwarthın rejissorluq etdiyi və Matthias Dinterin ssenarisini yazdığı 2002-ci il tarixli Alman komediya filmidir. Ssenari 1997-ci ildə çəkilən eyni adlı qısametrajlı filmdən uyğunlaşdırılmışdır. Hekayə Ruhr bölgəsinin şərqində, Unna ətrafında bir tikinti meydançasında keçir: qaydasınca yox, öz başına işləyən bir qrup usta, maaşlarını bir türlü ödəməyən xəsis patronları Werneri aldatmağa çalışarkən özündən razı bir memarlıq tələbəsi, asbest problemi və müharibədən qalma partlamamış bir bomba kimi dərdlərlə əlləşir. Hilmi Sözerin heyətdə yer aldığı film, Bang Boom Bang – Ein todsicheres Ding (1999) və Goldene Zeiten (2006) ilə birlikdə "Unna Üçlüyü" kimi xatırlanır. Film 2002-ci ildə Berlinale çərçivəsində verilən Jupiter tamaşaçı mükafatında ən yaxşı Alman filmi seçildi və ertəsi il ProSiebendə serial uyğunlaşdırması yayımlandı.
| Rejissor | Peter Thorwarth |
|---|
Reaksiyalar
Ən çoxu 3 reaksiya seçə bilərsiniz.
Aktyor heyəti
Keçidi olmayan adların saytımızda hələ profili yoxdur.


Şərhlər