Fantozzi 2000 - Klonlaşdırma (Fantozzi 2000 - La clonazione) (tərcümə)

Fantozzi 2000 - The Cloning (Fantozzi 2000 – La clonazione), 1999-cu il istehsalı İtaliya komediya filmidir. Bəxtsiz məmur Ugo Fantozzinin macəralarını nəql edən seriyanın onuncu və sonuncu halqası olan filmdə, obrazı yaradan Paolo Villaggio baş rolu üstlənir. Rejissorluğunu Domenico Saverninin öz üzərinə götürdüyü filmin ssenarisini Alessandro Bencivenni ilə Saverni birlikdə qələmə almışdır. İstehsalçı şirkət Italian International Filmdir.

91 dəqiqəlik filmdə Villaggioya Milena Vukotic, Anna Mazzamauro və Fabio Traversa kimi aktyorlar yoldaşlıq edir. İtaliya Milli Film Qiymətləndirmə Komissiyası filmi mənfi qiymətləndirərkən, seriyanın get-gedə bayağılaşdığı istiqamətində tənqidlər səsləndirildi; buna qarşılıq La Repubblica qəzetindəki bir rəydə filmin hələ də izləyicini maraqlandıran mövzulara toxunduğu bildirildi.