Kişi və Qadın: 20 il sonra (Un homme et une femme : Vingt ans déjà) (tərcümə)

A Man and a Woman: 20 Years Later, orijinal adı ilə Un homme et une femme : Vingt ans déjà (sözbəsöz “Bir Kişi və Bir Qadın, İyirmi İl Artıq Olub”), Claude Lelouchun çəkdiyi 1986-cı il tarixli Fransız dramıdır. Melodram və romantik dram damarında irəliləyən film Lelouchun 1966-da çəkdiyi Un homme et une femme filminin davamıdır; ilk film böyük bir ticarət uğuru qazanmışdı. Fransız dilində çəkilən film 112 dəqiqə davam edir və Braziliyada Um Homem e Uma Mulher: 20 Anos Depois adı ilə göstərilmişdir.

Baş rollarda ilk filmin iki aktyoru Anouk Aimée və Jean-Louis Trintignant yenidən yer alır; hekayə Anne ilə Jean-Louisin aradan keçən illərdən sonra yenidən qarşılaşmasına və ilk görüşlərinin xatirələrinə əsaslanır. İkiliyə Évelyne Bouix və Jean-Claude Brialynin yanı sıra Richard Berry, Philippe Leroy, Charles Gérard, Gérard Oury, Jacques Weber, Michèle Morgan, Nicole Garcia və Robert Hossein də yoldaşlıq edir. Ssenaridə Lelouchun yanında Pierre Uytterhoeven, Monique Lange və Jérôme Tonnerrenin imzası var.

Film 1986-cı il Kann Film Festivalında müsabiqədənkənar göstərilmişdir. Lelouch iki filmin hekayəsini 2019-da yenə Trintignant ilə Aiméenin oynadığı Les plus belles années d'une vie (Hayatımızın En Güzel Yılları) ilə davam etdirmişdir.