Raşit Bağzıbağlı

Raşit Bağzıbağlı — Tərcümeyi-hal

Raşit Bağzıbağlı (d. 19 aprel 1985, London) — əslən kiprli moda dizayneridir. 1957-ci ildə qurulan Bağzıbağlı Kumaş mağazalarının üçüncü nəsil təmsilçisi olan Bağzıbağlı moda dizaynı təhsili almış və hələ məktəb illərində öz geyim dizaynlarını hazırlamağa başlamışdır.

Couture dizayneri kimi karyerasına 2007-ci ildə addım atan Bağzıbağlı 2010-cu ildə Türkiyə və Kiprdə çoxsaylı mükafat qazanmış, Nyu-Yorkdakı Face of Fashion müsabiqəsində İlin Ən Yaxşı Gənc Dizayneri seçilmişdir. Şimali Kipr Türk Respublikası Polisinin uniforma, loqo və emblemlərini o hazırlamışdır. 2014-cü ildə Fashion TV Mükafatlarında İlin Moda Dizayneri mükafatına layiq görülmüş və öz brendi Rashid-in kolleksiyasını təqdim etmişdir. Tülin Şahin, Bergüzar Korel və Tuba Büyüküstün kimi məşhur adlarla işləyən dizayner Kanal D-də yayımlanan Yeni Bir Ben müsabiqəsində Tuvana Büyükçınar və Şebnem Dönmezlə birlikdə münsif olmuşdur.