Melike Öztürk

Melike Öztürk — Tərcümeyi-hal

Melike Öztürk türkiyəli futbolçudur. Hazırda Türkiyə qadın milli futbol komandası və Beşiktaş JK üçün oynayır.

Futbolçu lisenziyasını Denizli Pamukkale Universiteti Gənclikspor klubundan aldıqdan sonra 2015-16 mövsümündə bu komandada 3-cü Liqada 12 oyunda forma geyinmiş və 24 qol vurmuşdur. Növbəti mövsüm yenə 3-cü Liqa komandası olan İncirliova Belediyespora transfer olmuşdur. Burada 26 oyunda 67 qol vurduqdan sonra 2017-18 mövsümünün ortasında Horozkentə keçmişdir. Bu komandada 7 oyunda forma geyinmiş və 16 qol vurmuşdur. 2018-19 mövsümündən əvvəl İncirliovaya qayıdan Öztürk həmin mövsüm 8 oyuna çıxaraq topu 13 dəfə torlara göndərmişdir.

2019-cu ilin avqustunda Qadınlar 1-ci Liqası komandası Ataşehir Belediyespora transfer olmuşdur. COVID-19 pandemiyası səbəbindən yarımçıq qalan 2019-20 mövsümündə 15 oyunda forma geyinmiş, 5 qol vurmuşdur.

Gənclərdən ibarət milli komandalarda dəfələrlə forma geyinib qollar vuran Öztürk ilk dəfə 2019-cu ilin dekabrında əsas milli komandaya dəvət edilmişdir. Avro 2022 seçmə mərhələsinin A qrupunda Sloveniyaya qarşı ehtiyat oyunçu olduqdan sonra ilk oyununa eyni turnirdə Kosovoya qarşı çıxmışdır.